ପ୍ରତିଦିନ ୧୫ ମିନିଟ୍ ନାଚି ସୁସ୍ଥ ରୁହନ୍ତୁ

ଦ କୁଇଭର ବ୍ୟୁରୋ :- ଦର୍ଶକ ବନ୍ଧୁ,ଡ୍ୟାନ୍ସ କରିବାକୁ ବା ନାଚିବାକୁ କାହାକୁ ବା ଭଲ ଲାଗେନି କହିଲେ l ଏକ ନିର୍ଦ୍ଧିଷ୍ଟ ସ୍ଟେପରେ ହିଁ ନାଚିବା ବା ପ୍ରପର ୱେ ରେ ନାଚିବା କେବଳ ନାଚ ହୋଇନଥାଏ , ମନକୁ ଖୁସି ରଖିବା ପାଇଁ ଯେକୌଣସି ଶୈଳୀରେ ଆପଣ ନାଚିପାରିବେ l ପ୍ରାୟତଃ ୭୦ % ଲୋକଙ୍କୁ ଡାନ୍ସ କରିବାକୁ ବହୁତ ଭଲ ଲାଗେ । ଡାନ୍ସ କରିବା ଦ୍ବାରା ଖୁସି ଅନୁଭବ ତ ହୋଇଥାଏ କିନ୍ତୁ ଚାପ ମଧ୍ଯ ଚୁଟକିରେ ଗାଏବ ହୋଇଯାଏ । ଡାନ୍ସ କେବଳ ଏକ କଳା ନୁହେଁ ଏହାକୁ ଏକପ୍ରକାର ବ୍ୟାୟାମ ବୋଲି ମଧ୍ୟ ଆପଣ କହିପାରିବେ । ଡାନ୍ସ କରିବା ଦ୍ବାରା ଉଭୟ ଶାରୀରିକ ଏବଂ ମାନସିକ ସ୍ବାସ୍ଥ୍ୟ ଭଲ ରୁହେ । ମନୋରଞ୍ଜନର ମାଧ୍ୟମ ପାଲଟିଥିବା ଡାନ୍ସକୁ ଯଦି ଆପଣ ୧୫ ଦିନ ଘରେ କରିବେ ତା'ହେଲେ ଶରୀରରେ ମ୍ୟାଜିକ୍ ପରି ଫରକ ଜାଣିପାରିବେ । ଏହା ରୋଗକୁ ଦୂର କରିଥାଏ I ଏକପ୍ରକାର ବ୍ୟାୟାମର କାମ କରୁଥିବା ଡାନ୍ସ ହୃଦୟ ଏବଂ ଫୁସଫୁସ୍ ପାଇଁ ବହୁତ ଲାଭଦାୟକ । ଏହାଦ୍ବାରା ଶରୀରରେ ରକ୍ତ ସଞ୍ଚାଳନ ଭଲ ହେବା ସହିତ ଅଙ୍ଗପ୍ରତ୍ୟଙ୍ଗକୁ ଅମ୍ଳଜାନ ଏବଂ ପୋଷକ ତତ୍ତ୍ବ ପହଞ୍ଚିଥାଏ ଏବଂ ହୃଦୟ ସୁସ୍ଥ ରହିଥାଏ I ଡାନ୍ସ ହାଡ଼କୁ ମଜଭୁତ କରିଥାଏ I ମାଂସପେଶୀକୁ ହାଲୁକା କରିବା ସହିତ ଓଜନକୁ ମଧ୍ଯ କଣ୍ଟ୍ରୋଲ କୁ ଆଣିଥାଏ I କ୍ୟାଲୋରି ବର୍ଣ୍ନ ହେଉଥିବାରୁ ଶରୀରରେ ଜମିଥିବା ଚର୍ବି ମଧ୍ଯ କମ୍ ହୋଇଥାଏ I ମୋଟାପଣ କମାଇବାର ସହଜ ଉପାୟ ହେଉଛି ପ୍ରତିଦିନ ମନ ଖୋଲି ନାଚିବା । ଡାନ୍ସ କରିବା ସମୟରେ ଶରୀରରୁ ଏଣ୍ଡୋଫିନ୍ (ଖୁସି ହର୍ମୋନ୍) ରିଲିଜ୍ ହୋଇଥାଏ ଯେଉଁ କାରଣରୁ ଟେନସନ୍ ଦୂର ହେବା ସହ ଦିନଟି ଖୁସିରେ ବିତିଥାଏ I